Happy Saturday

由加拿大返黎, 雖然見左爸b兩次, 但今日至真正去街街...開心
約左1:30旺角新世紀等....喂, 你又遲左喎 (五分鐘, 不過果陣時又唔記得話你), 食味千 (其實都係一般je, 都唔知點解咁多人), 之後睇戲 "天魔特攻" , 都ok好睇, 幾好笑 (唔駛既野就特別好睇).
跟住節目勁喇....就係行街市買野煮飯, 最特別既係....佢媽咪今晚都係座上客.
煮左 "節瓜粉絲蝦米" , "炒粒粒" , "莧菜湯" , 最後係爸b買既 "油鷄" (驚其他唔好食都有一樣野食得). 食飯時 Auntie讚我叻女呀...開心, 不過係完爸b又肚痛, 我覺得係"油鷄"出事囉, 喺街市掛左成日, 唔~好~賴~我~呀 !!!
之後就 sweet sweet 挨喺你身睇電視, 咁就一日喇. 時間長d就好喇

好耐都冇黎喇, 我唔開心, 覺得被冷落

幾時出黎玩呀

好呀, 我地幾時又妁出黎嘈下呀, 去稻香打邊爐嗯, 平~靚~正
冇呀, 呢幾排都冇同佢嘈, 今日一齊放假去慶祝2週年, 去左一個佢唔想去但我又恨左好耐想去既地方....濕地公園, 去到佢鬼剎咁嘈, 又話曨, 又話熱 (雖然呢個係事實, 真係好熱), 但好煩囉, 行幾步就講一次, 好無瘾, 之後出返尖咀睇戲, 再返佢屋企食飯囉 (依家喺佢屋企).
你地點呀, 搵左地方擺酒咪呀, 喂, 我上星期去始創福彩參加飲宴, 果度幾好喎, 個場又夠大, 又有decoration, 地方就腳, 真係唔錯, 我一睇就好like, 你可去睇睇.
仲有呀, 我估唔到你選左邊首歌呀, 請開估

一齊去玩嗯

10月6日, 果晚同中學同學去打邊爐, 一路傾返d白痴野,好開心, 之後本來去唱k, 但最後臨時改變計劃, 除左本身幾個朋友, 加埋朋友既朋友, 加埋11個走左去飲野, 我同3個熟識既朋友一齊玩, 之後有條自以為係靚仔就惟所慾惟既茂利走黎玩, 仲坐喺我隔離, 開頭都好好地, 之後條茂利越坐越埋, 成日扮哂野揩我隻手, 又喺我耳邊講野, 煩到無論, 坐對面個friend都見到, 之後我同個朋友走開去toilet, 就冇再同佢地玩, 果一刻真係想坐喺我隔離既會係爸B.....可惜嗯......你唔會囉

戲 = 現實 / 現實 = 戲

今朝同事講佢睇完色戒, 2個女仔睇, 睇到面紅, 我對呢套戲冇興趣, 反而令我想起......
有一套戲張靜初做女主角的, 其中一幕睇時好有感覺, 因我仲要喺仲早的時候已經做左, 估唔到有人既想法會同我一樣, 唔同既係我仲想要多樣野, 但得不到.....
曾經有人話如果見到我咁做, 佢會鬧死我, 可惜一次都冇, 其實就係想佢鬧我, 因為鬧都係一種關心, 記得佢第一次見到我咁, 竟然係笑喎....奇怪!!!!!!!
我同女主角暫時個結果都係一樣, 做唔到想要既效果, 但希望呢個唔係最係既結果.
我已經冇之前咁激動(關於呢個行為), 你覺得嗎

fashion show

上星期五晚, 同同事去左中環廣場75樓頂樓睇fashion show, 要搭3程lift至到達, 由廣場入口到會場, 都有幾個外籍男士guide住你行, 有幾個好得, 型 / 靚 / 正.
去到會場.....好靚.....玻璃天窗望到夜空, 落地玻璃望到全個中環同維港, 勁靚. 個場好多人, 勁播hit song, 香檳任飲, 好耐都冇去clubbing, 所以果晚都玩得好開心, 我地好乖每人只飲左一杯, 跟住只飲橙汁. 但果度d人....係著得好靚, 但好冇品, 好冇禮貌, 真係樣靚係冇用架囉......!!
果晚有廖碧兒做model, 好大隻, 對腳勁粗, lisa s 勁靚, 但原來佢地真係好假的, 攬住笑哂咁影相, 一影完, 個個都黑哂口面, 各散東西, 真係大開眼界.

喜事

真係喜事一蘿蘿, 下個月Florence & Kieth, 12月Tracy & 肥仔, 出年Rachael & Miles / Kary(表妹) & Ken(鬼仔) / 娟娟 & 公公, 暫時惟止就有咁多, 年紀越大, 飲宴就突別多, 舊時就話係跟家人去, 但近幾年開始係只關自己事, 其實依家去飲朋友果餐, 個感覺都好奇怪, 覺得佢地突然大個左好多, 但自己依然都係咁.
娟娟, 我知你實問幾時到我, 你都拍左咁耐至結婚, 我下個月至2年, so.....明白喇 !!

又到最難過既星期一 :(

咁快就到星期一, 朝早公司人氣唔得旺盛, 好靜/好悶, 但一去到近lunch既時間, d人又無程程出現返喎, 佢地真識睇時間做野(食飯), 其餘時間(失踪).
星期六同同事唱k lunch , 不時好有power既人- 人稱(阿哥), 平時既佢armani's suit, '菇時'袋, omagie表, LV銀包, 今日既佢係深水埗街坊 (一件好殘既衫, 短褲, 好舊既人字拖).....大開眼界
0個日大家都好開心, 唔同平時咁悶, 好衰咁講新同事壞話, 又大講大笑, 而佢地都話我同平時唔同, 講野大聲左, 平日既我斯文有禮 (哈哈, '握'得下人架)
最好彩都係0個晚落船先落大雨, 如果係架船果時落, 我暈死都似.....

懶鬼出籠

connie, 見係你咁俾面, 好喇, 懶鬼'間歇'性再次出籠
返左個幾月工......我發現我個人際關係唔係好好, 我覺得一來之前個女仔真係好勁, handle好多野(重提一次, 佢做左9年), 佢可以一個人搞掂哂, 而我每次都要問(不過依家已經問少好多, 如果俾分, 之前問10分, 依家有3分)
二來佢地d英文個個都好勁, 唔係大學生, 就係浸完咸水返來, 我好多時要睇佢地d手寫letter, 睇唔明, 又要問佢地, 有時又意會左另外一個字, 咁樣又打錯喇, 所以我覺得佢地會有d唔係好like我.......因為阻住佢地............唉, 我都唔想架, 我都已經醒左d架喇, 但唔好拎之前個女仔同我比喇, 我會好辛苦架.......

一辛苦, 我就會攞返同爸B去澳門d相睇....嘻嘻, 舒服好多, 亦都好懷念嗯, 今次仲打破天'方'影左好多相, 講起都想睇........我地仲食左好好味既蟹, 蝦子noodle....., 我都仲入左casino, 爸B勁呀有錢收, 我就進攻左俾佢...., 不過真係玩得好開心, 兩日時間太少喇, 下次有多D時間就好喇

癲架.............

自從5月28日開始返新工, 每日都busy到飛起, 個tray每一分鐘都有野, 就算有一刻清左, 不用一分鐘又會full左, 我仲唔至一個tray, 總共有3個in-tray............人都癲, 雖然同事話慢慢做(我新來ma), 但根本都唔慢得, 所有野都要出街, 又要copy, 又要入信封, 我仲有一大堆野未filing, 癲喇...................

嘩.....一條大懶虫

對上一次寫blog係3/5, 原來一唔打, 真係會好懶, 好似冇左動力去做咁. 或者又因為我真係好平淡, 冇咩野同大家分享.
今日係我o係葵芳公司的最後一日, 都有d唔捨得, 但唔會好強烈. 亦有d緊張面對新公司, 希望我可以將呢度既待人處事好好改善, 去到新公司會有進步喇.

悶悶不樂

今日成朝都好冇mood, 到左lunch o靚仔出去食飯前同我講, 佢下星期就會交辭職信, 仲話其實今日已想開口同老闆講, 聽到有d可惜, 有d sad, 因佢係喺呢度唯一幫我的人......唉

KEEP HARD

聽到你從依家開始每晚都會溫書, 真係好開心, 人無論任何時間都應該積極, 雖然依家的工作唔係你最想做, 但你的有所改變, 就知道你真係大個仔左, keep going, keep hard.......你的付出是會有收穫的

一d都唔好玩的surprise行動

自以為的surprise行動已完結, 點知....我覺得佢一d surprise的感覺都冇, 亦冇什麼特別的反應(雖然都有鍚, 但好鬆容, 好自然咁接受, 一d驚喜的舉動都冇), 都唔好玩
其實係我見你想買衫, 但我又唔想你用錢, 又就到23號(都唔知你記唔記得), 所以買俾你的.
尋日同我阿媽係街上大吵, 真係大吵, 大大聲咁鬧, 我都係第一次咁燥, 因實在欺人太甚了....... 但到左夜晚冇事咯

衰人當道

我個人對一d自稱係基督教教徒的人真係會有d偏見, 係我舊公司有一個好姣好淫賤的, 係我呢間公司就有一個好攻心計好邪惡的, 唉........教徙喎!!!!
但只要有爸B的說話同鍚鍚, 嘩......醒神返哂, 我又想俾個surprise你喇, 嘻嘻....

籃球比賽

上星期六睇左爸B籃球比賽, 好好睇, 好刺激, 好睇過踢波....嘻嘻!!! 但對手實在太矛, 用埋D'拿渣'招, 好無品咁贏左佢地, 但爸B唔好失望, 你地都有贏的......贏品, 打出一場好好睇的比賽.
之後佢就好累咁同我返家準備夜晚的節目....我都知你好累, 但真係唔可以改期....SORRY, 但可能之前已經去過, 所以今次好似冇新鮮感, 但都好舒服

爸B, 大家一齊加油

早幾日終於知道左個等左好耐的答案.....爸B, 唔好放棄, 唔好俾其他人影響到, 當然其他人的說話都要參考, 但做決定的始終係你, 但你係呢一年真的要好好準備下一次的來臨, 唔好只掛住個體魄, 如抽到時間就報d course(雖然真係好難), 唔係的話就上網睇d有用的知識(唔好只係睇d八卦網), 之後條路係你的, 呢一年辛苦d, 乖d, 為之後的好好打算!!!
我都會乖, 我想去學國語, 希望對將來有用, 我地大家一齊加油, 好冇

收支不平衡

尋晚又鬧交, 因一d事, 另一方面覺得被誤會, 個心好唔舒服. 娟娟, 我好唔鍾意咁, 但你地又好似習以為常??? 有人話鬧交可加深了解, 但我覺誤會都會深左, 傷痛都會多. 自己的常法永遠是對, 但當套落他人身上未必成效. 想佢好, 想幫佢, 可能方式錯/說話錯, 往往事與願違. 之前都講過希望能做到企對方位置去想, 但我未能做到, 對方做到了沒有? 不知, 但..但願有天我能做到, 同時希望大家溝通會有所進步.
我地唔多鬧交, 可能一個月至有一次, 但一次我都覺多, 唔想有, 因真的好累. 由3月1日到依家, 我們只見了2次, 每次都唔過4個鐘......

新年願望????

我今年個新年願望係爸B和我心想事成. 另一個係希望大家(包括睇緊的你)開開心心, 但呢個希望真係好難實現, 因為日日都有人玩野, 惟恐天下不亂, 點解要咁變態, 大家和平相處唔好咩???

3月重頭戲....渣打馬拉松

雖然成個2月只練了一晚, 但之前一個星期跑2晚, 所以尋日個成果.....yeah, 1個鐘頭4個字完成. 但好多粉人囉, 掛住影相, 條路又窄又多人....阻住哂!! 但我唔係好滿意個大會安排, 水站太密攞水好迫. 醫療站好遠至一個, 成個西隊都冇tim. 當完成賽事排隊攞返之前寄存的行裝, 排左9個字至攞得返, 對腳勁痠.....

~~日本~~

Wa.......好耐冇打blog喇, 因為都係一個懶字. 同埋之前去左旅行, 日本呀....正
我同家人由年29出發去日本的仙台, 呢個地方比較鄉下d, 但d風景超勁正, 冇都市的急速感, 所以呢幾日都好舒服, 我仲有玩滑雪tim. 全程(在仙台)都冇見過香港人(除了團友), 可能因為仙台係比較鄉下, 所以冇什麼東西好買(除了食). 係有一日返東京(新宿), 我至買左2個袋~一對鞋~同埋一d小東西俾自己. 到左依家我仲有時會回想返呢個旅程, 嘻嘻!!
但原來係日本收messege會有delay的, 我有時sent messege俾爸B, 見佢好耐都唔覆返, 就會好火.....到左夜晚打俾佢(話佢law), 但佢話已經sent左好多俾我(我只收到部份), 但過幾日就收返哂, 可能有d地方我收唔到, 要去返d較城市的, 才收返....哈哈!!!

miss u much

嗚嗚....尋晚見完你, 要等下個星期至可再見.....miss u much
尋晚雖然冇什麼特別慶祝, 仲要等你half hour至收工(走到我身水身汗買朱古力), 但都好開心....因為你係地錢同我講左句.....嘻嘻, 記得嗎

情人節快樂

爸B, 情人節快樂
快D到8點就好喇, 因為好想見到你......嘻嘻

好開心呀....多謝哂

好耐冇寫blog咯, 因為之前有段時間唔開心, 依家......總算ok, 關於什麼.....唔講喇, 我同佢清楚就算....爸B, 你清楚嗎?
講返10/2, 個日真係好開心....我生日MA, 爸B lunch接我收工就去左食壽司, 送左條頸鍊俾我(仲同我親手戴上....嘻嘻), 食完之後入左東涌, 我地book左間酒店二人世界, 嘩......正到爆, 間房好靚, 成個view都好好. 跟後我地去左坐昂平360, 好好玩架, 我坐得好開心, 好high, 但佢竟然.....驚, 哈哈, 笑死我. 之後去左大佛, 當然有入鄉隨俗, 祈求爸b心想事成.
呢2日真係好開心, 好sweet, 影左好多相, 如果可以成日都係咁就好喇!!!

唔好放棄

爸B今日打左電話去問佢一直想知的事, 接電話的叫他繼續等, 應該無問題.
佢話咁心急, 好大原因都係因為我, 我真係好感動, 但真係唔想佢咁大壓力, 我仲等得喎, 俾D信心, 唔好放棄, 仲有好多個明天要過的, 機會唔係只得一次

好緊張........

頭先打左個電話, 去confirm星期五個約會, 好緊張........因為係我第一次做婦檢, 真係有d驚, 但買左insurance免費去做, 唔去做又有d可惜, 唉!!! 都係去喇, 年紀大, 去check下都好.
今朝有d唔開心, 依家....冇事咯, 最緊要你知道之後應該點做

又有得去飲

上星期日, 我個好朋友結婚, 我當然著到靚靚去飲喇, 朋友們見到我都話正, 哈哈
開席前同朋友玩啤牌, 成班朋友玩到鬼剎咁嘈, 好好笑, 但到左開席....嘩....成個氣'分'都唔係太好, 好悶, 好亂, 班友仔開頭都好乖, 只係飲橙汁, 到差唔多收席就開始發癲, 個個都勁飲, 飲得就話je, 唔飲得又發癲, 咁就失禮喇.
當賓客走哂, 佢地同d姊妹摟摟抱抱, 不知所謂, 我同個朋友真係搵地方避, 太癲喇...仲細咩

越關心.....越傷心

我真係唔識點樣去關心佢, 尋晚聽到佢話唔係好想同我講佢的煩惱....., 真係有唔開心, 我以為可以幫佢分擔, 互相支持.....點知......

去飲呀

yeah....今日我同爸B一齊去飲, 佢黎左接我(其實係佢肚痛, 如果唔係就係MTR等), 嘩......兩個飲樣呀, 爸B好型呀, 我仲帶埋相機諗住去飲前去影下相 (好少何2個傻瓜著成咁)......?....最後影得個幾張.
爸B食到後尾肚痛 (要去洗手間), 走時又痛 (再去多次), 今次出到來仲話辛苦, 標哂冷汗, 話不如各自返家, 我當然冇問題喇, 但出到酒店門, 見到佢d朋友, 佢地話去唱k, 問我地去唔去....佢竟然唔同人講唔舒服, 仲問我去唔去....我真係唔開心囉, 咁都仲問我, 我當然唔想你去喇, 去到又左飲beer, 又再肚痛.....但我覺得佢d朋友會認為因為我唔俾佢去囉, 好似食左死cat.

好好味

今日放工去左做facial, 之後同左爸爸, 媽媽, 五姨丈, 五姨去左顯徑食飯, 個度有間野食潮州菜好好味, 價錢又低.
食完就去左搵爸B, 去到佢門口, auntie同uncle剛好落街散步, yeah.....短暫的二人世界, 打左陣機, 之後就睇波, 好野有奧拿利奧(好耐冇睇咯), 睇到11點就走咯, 好野, 聽日又有得再見 !!

.......

.......

唔開心

真係好唔開心.....大家都係打工je

笑死我

放工, 佢去葵芳搵我, 我知佢會搭MTR來, 專登尼埋係一個地方, 見佢一出閘就行得好快, 我係佢後面.....突然拖佢手, 哈哈, 嚇到佢即刻縮手, 佢見到係我, 兩個傻瓜就勁笑....

珍惜身邊人

幾個月前有朋友個媽媽因病去世, 上個月爸B有個朋友的媽媽又因病離世, 尋晚又聽多個壞消息....人真的好化學, 睇落去肥肥白白, 但下一秒可能已經離開你, 所以真的要珍惜身邊所有的人, 少D爭吵, 多些關心.
我聽到電台有一段話.....'我們無法控制生命的長短, 但我們可控制生活的態度'

乖女

好耐冇做乖女咯, 尋晚3點幾至訓, 今朝9點起身, 同爸媽過左香港行街, 去左睇孫中山紀念堂, 都幾好睇架, 之後行多陣就搭車返家, 點知個司機去到SHAM SHIU PO, 因改道關係, 要駛入D小路行, 可能佢?開香港線, 佢竟然蕩失路, 要其他乘客教佢點行.....真搞笑

HAPPY NEW YEAR

尋晚同佢和他的朋友去打邊爐. 未去之前, 同佢傾電話, 佢講左d野俾我聽, 我聽完真係好開心, 好SWEET, 希望好事續漸都會發生.
成班人一邊吹水, 一邊食飯真開心, 雖然大多數時間我都只是聽, 但都已經笑死我. 到左倒數完的一刻, 同爸B互相鍚面....SWEET AGAIN, 仲影左07年等一張相, 收左07年第一個messege...YEAH
新一年希望爸B事事順利, 開開心心 :)

等左你好耐呀.....

今日佢冇返工, 跟左佢姊夫開工, 我就係佢大姊家等佢, 差唔多5:30至見到佢, 掛死我咩..... 佢好累呀, 抬左成日野, 隻手仲整親tim, 唔.....心痛呀, 呢d工係人工好, 但實在太辛苦咯....

MERRY CHRISTMAS

星期六都要放學, 爸B係學校門口等我(我唔叫佢, 佢唔會咁做, 衰佬), 之後去左青衣, 我流鼻水, 佢話: '你又流鼻血呀!!', 我未試過流囉, 唔知佢邊位朋友成日流, 佢記錯係我囉!!!!
去意粉屋諗住食芝士火鍋, 竟然冇得食.....失望, 之後去左酒店過2人世界, 冇得去旅行, 去住下酒店都好, 我組AGENT BOOK左 SUPERIOR ROOOM, 佢竟然俾左普通房我, 即刻打去間AGENT, 好 彩最後都轉返, 正好多的.......
佢同我講星期四同同事去唱K, 有D唔開心囉, 因為覺得依家佢去玩, 唔再預我, 我都知大家應有彼此的空間, 但....可能我唔習慣喇, 我又有野要去學習咯

有鬼....

今朝同姊姊加埋佢2個朋友上左大陸按摩, 超勁正, 舒服到爆....., 之後去左萬象城食上海菜, 好好味, 下次要同爸B去食過, 個鴨湯勁好味, 之後去左行書城, 約5點就返香港, 直接去搵爸B.
食完飯睇電視, 突然大門勁嘈, 好似有人係出面勁拍, 佢行去開門...冇人, 而我坐的梳化竟然左搖右擺, 好驚同佢講, 佢話我'傻喇', 我話諗係有鬼. 過左幾分鐘, 門又再響, 梳化又再左搖右擺, 佢話佢今次都FEEL到, 之後佢向住大門勁渴 '邊個, 唔好玩野', 佢拖住我一齊去開門, 打開...冇人, 我哭出來, 好驚....因為以為有鬼. 之後佢D幾個鄰居開門, 原來大家都FEEL到, 之後電視就話因為台灣地震. 哈哈....原來係地震, 我仲以為係.....哈哈, 低B

半島酒店....好high呀

今晚同同事, 老闆一齊去半島酒店食飯, 我同Andy傾今晚食飯個場面, 佢話大家會好似做拍戲咁, 好搞笑的. 我就希望坐係佢同清潔阿姐中間, 起碼有計傾, 冇咁悶.
星期六又會同爸B過 sweet sweet 二人世界....yeah, 爸b, 我覺得值得囉

好消息快d有....

真係好想佢開心, 佢實在俾個問題纏繞得好犀利, 我真係冇咩可以幫到佢, 眼白白見住佢瘦, 我個心真係....., 好想佢振作, 但我知我的說話毫無說服力, 反而唔講野, 唔俾任何意見, 佢會仲舒服. 希望真的明天會更好.

<<< NDS >>>......YEAH!!!

嘩....好耐冇寫blog, 因為上一個星期好順暢, 完全冇壞事發生, 真好.
尋日同爸B去左中環影聖誕樹, 期間發生左D小問題....OK 喇, 好快就解決左......囉
之後入返沙田, 買聖誕禮物俾我 <<>>>......YEAH!!! 都幾貴下, 大家要慳D錢咯

好黑仔!!

星期日同爸B去左又一城SHOPPING, 佢就大豐收呀, 我就一樣野都冇, 成個過程直到去佢家食飯都好開心, 係走個陣時, 好辛苦....食滯左, 一路搭車, 一路都好驚, 因好想嘔.
返到家, 個人好呆, 因好快就到第2日, 好快又要面對一班衰人, 訓唔到.....到差唔多5點至訓著, 仲要係訓下醒下.....
到左今朝, 鐘點清潔阿姊同我講, 只會做到今個月尾....天呀!!!! 好黑仔呀!!!

:).......:(

尋晚仲好開心, 同爸B去左唱K.....SWEET, 仲食左好多野 :)
但都左今日又俾人鬧, 唉....我係唔係樣衰過頭, 督眼督鼻 :(

心靈相通....

之前都試過阿競冇端端唱歌, 我個心其實都係唱緊架! 尋日仲勁, 唔駛半日我同佢3次同一時間開口講同一樣野, 第一次就覺得surprise, 第二次覺得好癲, 到左第三次就笑死我, 拍一拍佢話...'夠喇', 之後大家就係度笑.

令人煩惱的blog

星期六真係唔開心, 見到個個人個blog, 我唔知佢講邊個, 但如果佢冇講明, 咁即係阿競都或會可能係佢講的, 我點可以唔緊張je.....下星期又話去唱k, 仲要係夜晚黑, 即係叫我唔駛去喇.....佢地見面真係多過我, 依家我仲要唔去做gym tim!! 好煩呀!!! :(

SO SWEET......

二人世界.....sweet, 爸B煮D飯濕左D, 但好好味呀!!! 今朝睇住你訓覺個樣....真係好得意, 成個BB咁, 真係忍唔住要錫多幾啖呀, 嘻嘻!! 尋日, 成晚都好他條, 好舒服, 如果可以成日都係咁就好喇 :)
咦.....你好似唔記得幫我按摩喎!!!

2人世界

yeah.....聽日同爸B玩煮飯仔呀, 好耐都未試過2人世界:)

錢呀.......

放工同maggie行尖咀, 睇中左件衫, 不過冇買, 因為想慳錢. 行到好累, 返到家即訓左一個鐘至食飯.
俾爸B鬧呀, 佢話我每次佢去街我都好多messege, 唔覆我又會發癲, 我其實係想佢去玩時, 個心都會諗下我.....又想佢知要適可而止

下.....係咁jar

今日本來去按摩, 但姊姊竟唔問我就叫埋另一個人, 超.....我唔去呀!!
爸B放1:30, 同埋佢D同事食lunch, 之後就去佢家睇電視/訓覺/食飯/食糖水, 咁就一day喇, 咦....今日我地冇打機???
送我走時, 佢話我係佢再生父母.....下.....係咁jar???

食死貓

又俾人炳喇.....我都唔明, 我都係佢個同事je, 點解要咁對我, 仲要請我食死貓, 明明係個客錯....唉!!! 但今次勁左呀, 冇咸, 都有dd進步架. 返到家當然扮冇事喇, 費事要佢地擔心.....

pat pat 怪

我地倆個pat pat怪, 本來尋晚去做gym, 但因為pat pat痕的關係, 所以......我地去左唱K, 嘻嘻 :)
今日同阿HEAD好似好左DD. 自從聽左靚仔講公司D野後, 我都冇咁唔開心咯, 因為講左佢地D白痴又小氣事俾我知, 我知道後條氣都順D.
我隻手好似插左刺...好痛

男同女的分別

爸B話明白我做的一切, 雖然冇講'明白'係有幾明白. 你知喇, 女人好衰, 有時想個男人講得明確D, 但佢地多數唔會, 可能呢D都係男同女的分別!! 不過最緊要佢地真係明, 同放係心!!!
開心.....今日佢著左我送俾佢個件褸

撐硬佢

今日公司個男仔同我講佢應該只會做到出年5月, 同事放完產假佢就會辭職, 因為佢覺得好唔公平, 我同佢好勤力, 但都受到各自阿head的面口. 而個新同事成日做錯事, 又冇禮貌, 剩係識得同佢地傾湊仔經, 同埋勁擦人鞋, 但佢地就當佢係寶......唉.....痴根
夜晚同爸B去做GYM.....開心....嘻嘻......
返到家我地傾電話, 佢講左佢一D問題, 我當然會幫佢喇, 2個人相處最緊要互相支持, 唔通大難臨頭各自飛咩!!! 我當然會撐佢喇, 希望佢多D明白我

好開心

好開心.....今日一放工就同佢一齊直至夜晚, 冇特別節目, 只是食lunch再去佢屋企打機. 最開心係冇我唔鍾意的東西出現, yeah!!! 所以今日特別鍾意鍚佢....哈哈
不過, 望住佢真係覺得佢瘦左好多, 希望有日可以見返肥肥白白的爸B

健康是無價的

尋日知道左一個消息, 聽到後真係好唔開心, 我真係好關心佢個健康, 並唔係其他原因.......
依家可叫做事情解決, 但希望唔好濫用個空間, 好好去想咁樣係唔係真的對自己好, 對自己有什麼影響.
記唔記得上次馬會account, 同埋學校的事, 你之前都冇諗原來可以影響深遠, 你後悔過的!! 唔好等壞事情發生後才去後悔, 應之前去避免, 你知自己個健康的狀況的, 我真係好希望爸B你能夠好好去想... :)

以心比心??

之前我仲以為人與人的相處係以心比心, 但原來未必架......!!!

倦......

上個禮拜六, 日都好busy. Sat就同阿競和(大姊+2個小朋友)先去左沙田食pizza, 再去容姐家(競同事)BBQ, 玩到成11點幾, 其實都有好多野玩, 但我同佢D同事唔熟落, 都唔知講咩好, 更可況玩嗯! 但因為成日都抱細佬, 又同佢玩, 對手同條腰都好痠軟, BUT I ENJOY IT...HAHA
星期日同穎雅行百萬行....好熱同好曬, 條頸黑哂, 對腳唔係太累(依家). 我覺得公益金搞左咁多年百萬行, 但佢個安排好混亂, 指示唔清晰.
夜晚去酒樓同媽咪慶祝生日, 阿競都有黎, 仲一齊影相, 再去我家搬電視(我部電視壞左嗯....慘)

HAPPY FIRDAY

今日俾阿head叫左入房........教我做野同埋考我D資料, 我之前背的資料冇白費的, 雖然都有D緊張同口窒窒, 所以當佢睇緊野時我就深呼吸....Relax, 希望下次會得更好 :)
仲有?係今日多左樣工作做, 因為遲d有個同事會放產假, 我要分擔佢department d工作, 所以俾左d我practice.....yeah, 有野做好開心 :)
希望有一日能夠做到, 唔好理咁多野, 因有好多野我根本就冇權過問, 咁樣可能大家都會開心d :)

快d到星期日啦!!!

今日心情比尋日好d喇!!
都唔明, 點解要黑口黑面對住我, 如果我係懶同埋勁做錯野, 你俾咁?面口都好正常. 但我已做到成隻野咁, 唔識做就即刻問你, 你竟然俾說話我聽.....我真係唔知點做囉!!!
快d到星期日啦!!! 行完百萬行再後去濕地公園, 吸收下d新鮮空氣同埋日月精華, 希望可以一洸沮氣.
仲有呀, 可能因公司?氣份令到我心情唔好, 對男朋友態度唔係咁好, sorry 爸B

冇心機 :(

今朝一早都還好好地, 返到公司好俾心機去工作, 都唔係好理其他人的面口, 但真係好冇mood......!!! why???

又要返工喇!!!

今日要返工喇, 但個魂魄唔係度, 仲係屋企張床到.....哈哈
尋日一早12點就同佢去做Gym, Keith都係度喎....surprise!! 之後我地左買BB用品再入青衣(因為朋友剛生左個可愛?BB), 個BB真係好得意呀, 但佢出世時, 佢爸爸好驚佢有事的, 因為BB出世時血液唔夠, 要即時離開媽咪, 轉院輸血, 真係抵打, 到依家見到佢笑....真係好sweet
之後我同競係青衣城high tea, 跟後就去買菜, 今晚我地玩煮飯仔 :)
如果成日都可以咁就好喇.....不過可能佢就會覺得我黏身....哈哈

南Y島一日遊

前晚睇何CC, 佢唱歌真係好勁, 把聲真係好正, 但紅館非常之唔好坐, 坐到pat pat痛, 但成晚都係拖住手....呵呵 :) , 佢仲同我講我地下一個step, 希望大家可以做到.....努力呀, 爸B
今日一家四口去左南Y島, 好熱, 好曬, 好耐都未試過一家人去玩, 爸爸同媽媽都好開心, 媽媽對腳始終有問題, 要行得好慢, 回程時大家都'謝'哂, 係隻船到訓覺.

何cc.....

好恐怖呀, 今朝係涼左, 但都唔駛咁誇張著樽領衫加背心呀....睇見佢就熱
唔好提d精神病人喇, 講返d開心野, 我今晚去睇何cc呀......yeah yeah!!!
我仲未睇慣我個頭呀(電左), 快d直返d, 長返d喇, 嗚嗚

la la la .......

今朝我地一齊食早餐, 之後就送佢返工.....so sweet
放工本來我地去做gym, 但我地又好想去唱k, 最後.......我地咪去左唱k囉, 爸b唱歌好好聽架!!!
睇到朋友個blog, 佢工作唔開心, 唔.......做好自己工作最重要, 好難係其他人心裡取到100分, 佢地發癲就由得佢地, 加油呀!! 娟娟

玩得好開心呀

好耐都冇同佢由朝玩到黑喇, 到左夜晚食Buffet時, 我同佢都已好倦.
講返朝早嗯, 我同佢第一次一齊玩過山車(之前去ocean park, 佢唔玩的, 話驚), 所以今次有得玩, 特別開心. 我地玩 '遇史迪仔會面' 時, 佢仲俾人玩tim....哈哈. 我地同左好多公仔影相, 松鼠仔拖到我隻手好實, 米奇老鼠仲錫左我面同手呀! 不過尋日真係好曬, 熱到我地死死下.
整日都好開心, 非常融洽......佢仲好似好緊張我同D公仔影相, 佢話D公仔好咸濕, 會抽人水..哈哈.
因為我冇大假, 所以尋日朝走左去睇醫生取假紙, 我同個醫生講肚痾, 佢check完我之後, 好緊張話我 '腸胃炎', 你話d醫生呀.......!!!

YEAH......

仲有3個鐘, 就係我同阿競拍拖一週年喇, 嘻嘻!!!
時間過得真係快, 多謝爸B俾左過去?一年我, 雖然呢一段時間都曾經爭吵過, 但其實都係少之有少的, 大部份時間都相處融洽, 因為你都好就我, 係我有時任性D, 低能D......我會作出改善的!!
聽日我地就會去Disneyland玩, 希望我地會玩得盡興, 再開開心心食buffet :)

你話喇!!!

又俾人鬧咯, 你話喇, 好似我地整呢d BLOG, 都係預左俾人睇, 我去睇佢同事個blog, 都俾佢單打.
如果個女同事真係唁想俾人睇呀, 就唔會俾個address人喇!!! 根本其他人都可以係個個網睇到其他人的blog, 根本就唔係保密的.

好倦 :(

我體力透支得好厲害, 工作上負擔多左, 又要搬搬抬抬, 到左夜晚.....失眠, 好難至訓著, 又易訓醒, 人都癲.
不過之後幾日都會開心. 聽日就睇戲之後一齊剪頭髮. 星期一就去Disneyland之後就食buffet. 星期五就睇演唱會. YEAH!!!!

心火盛

今朝一早同佢嘈交, 個陣時真係好火滾, 之後冷靜返諗, 其實各人都有自己?思想同想法!! 但我一滾起上黎, 就會好嘈, 我諗我要學識冷靜

好驚呀.......

我阿HEAD唔係公司, 我幫佢答客D問題, 好驚呀, 手同口都震哂, 個腦仲空白左, 又聽錯野, 最後都答到問題, 但真係好驚, 2個鐘頭隻手都仲震緊.......但已自覺有進步

加油呀.........!!!

我呢兩日都好乖呀, 一做完野, 睇下d資料, 唔明就問阿head, 佢呢兩日都教左好多野俾我, 我真係要用心記住, 我尋日做gym都拎住份notes睇, 因為有d野真係要死背(行內術數), 我真係要俾心機之得.
我開頭唔鍾意個新同事(講野冇禮貌). 但我開始欣賞佢, 有時d客有時真係好無理, 但因為佢唔識死夠膽講的關係, 反而件事會做得圓滿, 呢一方面我要學習下(我好細膽).
我今日同佢講'對唔住'呀, 因為我成日蝦佢囉, 但我都希望佢係適當的時候會識得尊重我. 同埋唔知係唔係個個男仔都係咁...追你果陣時, 一日N個call, 傾到九更十更都唔願訓, 依家.....好難啦!! 今日同個friend傾開, 佢話又唔好將自己的思想套係對方身上, 唔通真係要習慣下.....

無間道風雲, 勁..............悶

睇到我地欏柚痛, 睇2 1/2鐘, 好睇的都唔知有冇20分鐘(佢話要睇喎, 好好睇架喎....哈哈)
之後買左對籃球鞋俾佢(一週年禮物), 佢上星期買左耳環俾我. 我地好耐冇行街, 難得今日新城市都算少人, 都幾好行. 之後我地去左食(元綠), 好難食(冇樣好味), 可能我係(元氣)既粉絲喇, 又或者係今日的心情所影響.

大咸包

今日返到公司做完自己野, 即刻開口問阿HEAD有冇工作幫手, 教左我一D野, 叫我做事要上心D, 問左我一D野, 我答唔到(我根本唔知的事), 佢問時態度加上面口, 我係未見過的.....(天呀!!)
再過多陣佢再教我野(口面正常返), 但我一邊聽, 開始眼紅(因感受委屈)....之後佢早走
佢打俾我同事話: "頭先我教EVA做野, 見到佢眼紅紅, 你同佢講返我唔係鬧佢呀"
同事同我講返, 我即爆左出黎(勁咸), 我話知佢唔係鬧我, 我好緊張, 但俾人咁話, 好HARD FEELING, 佢話因為阿HEAD已唔想做, 想我學多D, 所以Serious d,
佢話遲d我要出去見客, 有時俾人大聲鬧, 我都要面對, 叫我be strong
我太渣喇, 小小野就咸, 眼淺非常.....
多謝穎雅請我食lunch, 同埋開解我 :)

黑色星期五

朝早仲好開心同阿媽飲茶, 到左下午, 介紹我係到做的同事叫左我入房, 教我做d工作, 另一方面佢替我阿head同我講, 希望我工作時主動些, 唔識就要問.........(熟識我的都知我的性格, 我被動的), 之後都有唔開心, 我阿head早幾日對我已態度有變, 我已經冇再玩msn, 成日睇返自己d notes(當冇工作時).
好難至捱到放工, 同另一個同事去做facial+message(我試做), 做完約8:35, 個sales係咁sale我, 我開頭都好企硬, 但之後佢實在太勁, 起勢咁講, 我真係頂唔順, 最後做左個自己都覺錯的決定....買package, 我真係唔想買的, 但我好想走.......唉!!! (走時係10:15)
落到樓打俾佢, 就勁鬧我, 話我去做facial就根本想join, 但如果我一心想join, 我就唔會坐咁耐喇!!

黑色星期五!!!!

放鬆吧!!!

佢呢個幾月都有好大的壓力, 尋晚返到屋企又發生一d小風波, 希望佢能開解自己, 其他人點講同點睇, 唔重要, 最重要係佢自己個關 .
無論任何事情都睇開D, 人就會輕鬆d (我自己都要去學習), 每個人到某一段時間都會有壓力/困難, e.g.: 讀書時面對考試, 工作時面對人事...., 但所有問題都會成為過去式, 你再回頭望返, 其實都係小事一單, 人總耍過活, 過.......係會過去, 唔會停留的, 放鬆吧!!! 問題總會解決 .
TAKE IT EASY AND LET'S IT BE

雨過天清

尋晚同佢傾電話, 傾一個鐘, 咸足一個鐘......結論係大家都可能有錯, 希望大家清楚自己o既錯處, 然後就去改過, 大家盡量使對方快樂而唔係憂愁. 尋晚雖然好難至訓著(成1:17), 但都總算訓到大天光.
今朝ok喇, 到左下午.....都可以講冇事咯, 其實都唔係一件大事je, 希望大家互相遷就, 重視對方的感受.
夜晚我地去做gym, 個Instructor我覺得佢好煩, 因佢勁問阿競, 答完一次, 我地行開, 佢又行黎, 又再問, 佢sense唔到我地已唔想再講, 我覺得競已費事答佢. 我地食完DINNER就返屋企

.......

今日心情唔多靚
佢咳到癲, 尋日又食McDonald又食Tiramisu, 今日就食雪梨, 食完就同我講好咳, 咁我梗話佢喇, 睇左3次醫生, 依家仲食緊藥, 但自己又唔戒口, 咁睇醫生黎做什麼.....佢即刻話, "咁你用鎖鏈鎖住唔好俾我出街", 你話我可以點, 真係唔知點答佢.....唉!!! 唔通我聽到佢食呢d野仲讚佢, "係呀, 咁好呀, 係唔係好好食呀"
關心竟變唔開心.....

最怕星期一

因為星期日多數會訓晏覺, 夜晚好難訓著, 當到左星期一就會好/眼/訓
全日工作量唔多, 都係hea住等食飯, 食完飯竟然.......肚痛, 再過多陣.....胃痛, 實在人間慘劇, 好唔容易至捱到收工.
夜晚同阿強玩黑白棋(正), 同競傾左陣電話, 大姨話佢一啖沙糖一啖屎(衰佬)
佢收6:30搵朋友到10:00 join埋其他朋友食自助餐.

懶洋洋o既星期日

今日完全冇出街, 10點訓醒做家務, 11點就同男朋友玩黑白棋(電腦), 食lunch, 再開工打d手提電話資料入電腦, 睇到我眼花, 再玩黑白棋跟住就訓午覺(今晚又訓唔著架喇). 訓醒諗住又玩, 點知我同佢都開唔到個game, 可能我地玩得太多.....真慘, 電腦都蝦我地.
唉...全日係屋企都有d悶, 等今晚8:30睇model比賽, 之後又冇野做, 等訓覺. 男朋友本或者出去踢波, 但佢一路都唔舒服, 頭先(8:15走左去仁安)睇醫生, 差唔多10點之睇完, 只是普通的病. 聽晚佢同佢d朋友食自助餐(我唔去咯, 放佢監, 佢會玩得開心d, 哈哈), 我......或者去做gym卦, 唔知呢!!
我仲好精神....點去訓呀!!!

休息日

訓醒同阿競去左葵芳食上海菜(想食2個星期喇), 食左雞撕粉皮, 炒鱔糊, 三鮮炒年糕, 咁樣就已經食左$200. 之後佢係J's買左對耳環俾我.....呵呵, 佢係Nike Shop買左件t-shirt俾自己, 跟住我地落左荃灣睇電話(我地patpat痕想買w850i), 落到去間間shop都冇貨, 要到月中之有.....唉, 惟有等囉.之後就各自回家, 佢就訓覺, 我就將電話的messege打入電腦, 因我張咭爆左, 但又想keep返d messege, 惟有.....打到我傻. 夜晚就同佢玩黑白棋(電腦), 我地都玩上癮.....哈哈, 佢同我講尋晚我係阿威家, 佢打機, 我攬住佢, 佢老豆頭先同佢講, 叫我地下次唔好咁, 唔好睇喎!! 嘻嘻, 可能我個晚開心個頭, 又飲左red wine, 好high呀(唔係醉), 我下次一定要記住先.
我對耳環好靚呀

第一個同男朋友過的中秋節

其實都冇咩特別, 我地倆個都唔係太著眼於呢個節日, 只係想搵個地方玩. 結果係同佢屋企人和親戚係大表弟家渡過.競媽咪整左發財冬菇豪士, 大姨整左蓮偶炆腩肉, 蘿蔔魚蛋, 舅母就整左雞翼, 紅豆黑糯米(好正), 沙律.....肥阿姨好似冇整.阿威(大表弟)隻狗好叻, 識做好多指令, 簡單的HAND, SIT, 難既有ROLLING, JUMP, 仲有係識阿威大步行, 樂仔(隻狗)會係佢對腳之間穿插, 又識睇手勢去吠, 真係好勁阿競就同細表弟(阿?)打機, 我就同文文傾計睇佢地打機.....其他人就係露台傾計賞月.到10:30開始走咯, 我地都係11:00就離開返屋企.就係咁樣過左我地第一個中秋節喇